中山紀念公園・冷門野餐地
簡介
論野餐，你可能會聯想到最接近夢想世界嘅迪欣湖，或者並不在佐敦的佐敦谷公園，甚至係起極都有野起嘅西九。如果覺得呢啲唔就腳，咁喺港島西面嘅中山紀念公園就啱晒你！
個名點黎
根據歷史記載，孫中山先生因發動革命而被滿清政府迫害，後來更被港英殖民政府驅逐出境。其後，孫中山先生多次途經香港往返內地時，均只能在船上約見香港的同志和支持者。其船隻停泊的地點，就是現時中山紀念公園的位置，而公園亦據此命名以資紀念。中山紀念公園也是全港第一個以國父芳名而命名的公園。(資料來源：康文署網站)
點去
以前去中山紀念公園搭巴士係最方便嘅，如果曾經有朋友叫你由上環站行過去，一係佢本身已經唔太likey你，一係就整蠱你。不過自從標榜自己好少故障嘅港鐵有西營盤站之後，出站後向德輔道西方向行，之後用行人天橋過對面，需要約5-10分鐘。
點玩
貴為歷史重地，當然有個莊嚴無比的孫中山像，然後就是革命代表人物的「四大寇」。
中山紀念公園附近有游泳池同室內運動場(講笑姐，呢啲可能你屋企會所都有啦)。值得介紹嘅係公園本身沿住維多利亞港，一望無際嘅海景，吸引不少跑步友。仲有佢嘅大草地，因為公園周圍無高建築物，所以好涼爽，係喥野餐傾計玩結他，非常寫意！仲有空間踩下單車添！
除左野餐之外，公園不乏適合小朋友的玩樂設施，一家大細來到定必充滿歡樂的離開。
下午茶時間左右去，野餐完可以步行或者搭「慢過行路」嘅叮叮去人氣極盛嘅Instagram Pier睇日落。步行大約20分鐘，叮叮「可能」要半個鐘。
貼士：星期日或者勞工假期請好好考慮下去唔去好，因為…你懂的
資料及圖片來源：互聯網
其他訊息
地址：西營盤 交通資訊：
西營盤站A2出口，步行約5-10分鐘
叮叮