九州 8日7夜 慢・漫遊
出發前準備
機票
早早訂了「窮人恩物」的廉航機票，由於是第二次到日本旅遊，今次就以大約$1200價錢買左來回福岡嘅機票。
住宿
福岡全部住同一間酒店，博多站附近。由於去其他城市搭JR都係博多駅出發，故此博多是眾多遊客首選的住宿熱點。（後感：如果不怕轉車，天神附近的住宿亦不錯，附近商店食肆林立，晚上肚餓起來都唔會揾唔到食。）旅程其中兩晚會留宿由布院及長崎，福岡的酒店無check-out，當做寄存行李，反正都係廉價酒店，唔使托行李。
交通
小編無車牌，所以只好以鐵路同巴士代步。強烈建議首次遊日人士，必定要下載一個名叫「乗換NAVITIME」，ios同android版本都有，需數據使用。入呢個app之後，只需輸入起點、終點同出發時間，就會話晒你知幾點有車、要唔要轉車、係邊轉車、車費等等，要擺脫複雜鐵路就話咁易。