九州鐵道遊 made easy
JR九州鐵路周遊券
九州其中一樣最吸引嘅，非特色列車莫屬。「由布院之森」、「豪斯登堡」、「阿蘇男孩」絕對是最多人談論嘅列車，由車身到車卡，都各自有獨特的外形及設計，就算你唔係鐵道迷都會覺得有趣，值得大舉相機拍照留念。
但列車之多，覆蓋範圍之廣，就知列車車費可以好貴。無錯，所以如果行程涉及其他城市，一張JR九州鐵路周遊券可以話係必需。
JR九州鐵路周遊券有分「全九州」及「北九州」。簡單來說，如最遠只會到熊本／阿蘇／大分／長崎就揀「北九州」；要去到鹿児島／宮崎就要買「全九州」。兩者都有分3日券／5日券，購買時需出示戶照，並需連續日數使用。
點玩先抵
基本上點玩都抵，只要每天使用或行程需要來回，已經可以回本。
舉例：
北九州
來回福岡及熊本＝9220円（單程4610円）
來回福岡及豪斯登堡＝約7500円（單程約3700円）
共約16770円
全九州
以上行程＝16770円
來回福岡及鹿児島＝約21000円（單程約15500円）
共約38000円
點用
使用周遊券當然首先唔使去售票機買飛，既然無飛就更加唔使過閘機。每個JR閘機旁邊都會有個counter，拎住張周遊券遞俾工作人員check，ok佢地就會放你過去（千其唔好打算搏大霧，係真係會check㗎！就算人多搏到，上到車車長都會check多次。），出閘一樣做法。
點買
好多人會落機係機場買，但係其實唔使的，因為除左買呢張券之外，預約火車位亦都好重要，呢樣要出到JR站先做到。
以博多為例，去到博多駅可以搵個綠色窗口，記住要搵個寫到明係JR九州先買到，因為博多駅有兩個綠色窗口，一個係你需要去嘅JR九州，另一個係西日本。
為左減省時間同避免溝通問題，請先去下面兩條link，print張form出黎填定先，有中文，好簡單的。
一張填黎買周遊券，另一張係填需時留位嘅班次。有部份列車係必需預約，有部份列車係太多遊客，故強烈建議預約。簡單點，所有都預約左先，預約左可以no show轉搭第二班。預約左客務員會俾定車票，呢張車票都係過唔到閘機，所以點都係要去閘機隔離個counter過。如果有班次係屬於local列車無需預約的話，客務員會同你講同埋唔會有車票print定俾你，到時到候去到車站等上車就OK。
Check班次：www.transit.yahoo.co.jp