香港紅葉 2015
踏入11月，一個看似平平無奇的月份。好多人都會趁呢個月份飛一轉日本追楓。但紅葉期飛日本的機票確實不便宜，想慳返個錢，其實香港都有唔少可以賞紅葉的地方，當中元朗大棠已經成為必到打卡景點，每年呢個時份，大棠總是人頭多過樹葉。
想避開人群，可以考慮香港其他有紅葉的地方。係就係未必有大棠咁壯觀，不過都係觀點與角度的問題。即刻睇下香港有什麼值得欣賞紅葉的地方！
1. 元朗大棠 每年一到紅葉期，元朗大棠便會出現人潮。或者沿路入去時會覺得唔係真係好多人，但當完成整個路段，進入心臟地帶時，心裡就會不禁發出一句「嘩...人呀！」因為真的十分熱鬧，想要影靚相，就要俾d耐性了。
點去 朗屏站轉乘巴士K66
2. 青衣公園 儘管這裡紅葉數量不及大棠，但地段方便，配合整個公園的配套設施，青衣公園來得較全面，亦逐漸成為欣賞紅葉的熱點。紅葉加上人工湖，驟眼睇以為去了外國。一家大細可以到此野餐，小朋友更可在玩樂設施耍樂一番。
點去 青衣站步行約10分鐘
3. 城門水塘 這裡的紅葉較為分散，但勝在鄰近郊野公園及自然徑，路段較平坦，老少皆宜。
點去 荃灣兆和街乘小巴82號
4. 香港動植物公園 這個紅葉熱點最近市區，又想睇紅葉但係又唔想長途跋踄，動植物公園可算是一舉兩得。這裡的樹已紮根很多很多很多年，當紅葉最盛的時候，會形成一條紅葉隧道，壯觀非常！
點去 中環站步行約15分鐘
5. 荔枝角公園－嶺南之風 這裡紅葉並不多，但勝在有個美麗的園景，彷彿身處在古時。亦因為這個原因，很多Cosplay都會在這裡取景。走累了，還有大片草地可以野餐。
點去 美孚站步行約10分鐘
(資料及圖片來源：互聯網)